Antxonek hirugarren titulua lortu du, Susorekin batera Donibane Lohizunen irabaziz

  • 2016-09-05
  • Donibane Lohizune 2016ko Xistera zirkuitoko jaialdiaren Txapeldunak

Urdinak indartsu hasi ziren eta ez zieten Narbarte eta Majari aukerarik eman

NARBARTE-MAJA: 18
ANTXON-SUSO: 30

Tanteoa: 0-3, 1-3, 1-4, 2-4, 2-8, 3-8, 3-12, 6-12, 6-15, 8-16, 8-21, 11-21, 12-22, 13-23, 14-24, 16-24, 16-25, 17-25, 18-26 eta 18-30

Iraupena: 49 minutu

Kronika: Durangon eta Markinan irabazi duen Antxonek bere hirugarren titulua lortu du Xistera Zirkuituan, gaur, atzeko koadroetan oso seguru aritu zen Susorekin batera, Narbarte-Maja 18-30reko emaitzaz menderatu baititu, jendetza hartu zuen Donibane Lohizuneko Campos Berri frontoian jokatutako finalean.

Jaialdia solidarioa zen, bertan fibrosi kistikoaren kontra borrokatzeko dirua batu zelako eta urdinek bikain ekin zioten partidari, aurkariei aukerak eman gabe, izan ere, 3-12koarekin, egoera maldan gora jarri zitzaien urdinei.

Norgehiagokako fase honetan Susok ez zituen akatsik egiten eta Antxonek min handia egiten zuen bere erremateekin eta errebotearekin, beraz, Jagoba Narbartek erremate onak egin bazituen ere, batez ere, bigarren zatian, ezin zuen fruiturik lortu.

Gauzak hala, nahiz eta azken txanpak ez zuen emozio handirik izan, kalitate handiko tanto asko ikusi ziren bien aldetik eta Antxon-Susok sinatu zuten garaipena, Narbartek, berriz, ezin izan zuen Etxebarriakoaren kontra Markinan galdutako finalaren errebantxa hartu.

UNAX VIDAL-MANCISIDOR: 25
IBÁÑEZ-THEO LABORDE: 23

Tanteoa: 1-1, 2-2, 3-3, 4-4, 5-5, 6-6, 7-7, 8-8, 9-9, 10-10, 10-12, 11-12, 11-13, 13-13, 13-15, 15-15, 16-16, 16-18, 17-18, 17-19, 18-19, 18-21, 21-21, 22-22, 24-22, 24-23 eta 25-23

Iraupena: 47 minutu

Kronika: Unax Vidalek eta Mikel Mancisidorrek Xistera Zirkuitu barruan dagoen Donibane Lohizuneko Txapelketako gazte mailako titulua eskuratu dute Ibáñez eta Theo Laborde 25-23ko emaitza estuaz menderatuta.

Emozioa izan zen nagusi partida osoan zehar, izan ere, Campos Berri frontoian jokatutako norgehiagokan 15 berdinketa egon ziren, lehenengo hamarrak, lehenengo hamar tantoetan, eta ordura arte, pilotariak ez ziren arriskatzen eta piloteoak luzeak ziren. Lehen hamarkadaren ostean, berriz, urdinek alde txikiak lortu zituzten, izan ere, fase erabakigarrian bazirudien Beotibar eta Luzean klubekoek irabaziko zutela, markagailuan 18-21-a zegoen eta.

Hala ere, gorriek ez zuten amore eman eta 7-2ko partziala lortu zuten une aproposenean, Unaxek bere pilotakadei abiadura emanez eta Mikel errebesez bikain ibiliz. Gauzak horrela, bere aurkariek itxura bikaina eman bazuten ere, ezin izan zuten garaipena erdietsi eta 25-23 galdu egin zuten.