Ezkurdi Jaialai Zesta Punta Eskola

Klub hau 1989.urteko ekainean sortu zen; 1955.urtetik egon da zesta puntako eskola Durangon, azken urtetan Orlando enpresa izan zen diru laguntzak ematen zizkiena, baina 1988ko grebaren ondorioz, laguntza emateari utzi zioten.

Orduan, haurren guraso batzuk batu ginen eta klub hau eratu genuen, lehenengo zuzendaritza-batzordea Miguel Piedra(Presidentea), Garita(Presidenteordea), Jose Antonio Arkarazo(Idazkaria) eta Ramon Zarandona, Kapela Urizar eta Benjamin Medinak(Bokalak) osatuz.

Urte haietan 45 haur eduki genituen, baina pixkanaka-pixkanaka kopuru hori jaisten joan da 6 senior-fitxa soilik izan arte eta azken 3 urtetan, irailean 12-16 haur eduki genituen 8 urtetik 12 urte bitarteko adinarekin.